474             MEMOIRES DE PIERRE DE LESTOILE.
Bourges, et la messe du Roy, on me monstra le sixain suivant, fait par un ligueur :
De trois BBB garder se doit-on : De Bourges, Benoist et Bourbon. Bourges croid Dieu piteusement, Benoist le presche finement ; Mais Dieu nous gard de la finesse Et de Bourbon et de sa messe !
Sur ceste messe et nouvelle conversion du Roy, madame de Nemoux fist le suivant discours, la larme à l'œil, à une honneste dame, ce samedi 24 juillet 1593 :
« Le roi de Navarre se fait catholique, et dés demain : il n'en faut plus douter. J'ay apporté ce que j'ai peu pour la paix, mais je n'en ai seu venir à bout. J'en suis si contristée, que je n'en puis plus, et crois que cela me fera mourir : car mes enfans, desquels je voi la ruine devant mes yeux, ne me croient point. Et soit que je mange, ou je boive ou je dorme, tousjours cela me revient ; et mesme l'acte de demain, qui avancera bien mon malheur et le leur. Mais qu'y ferai-je ? Pre­mierement mon fils du Maine est en jalousie de son frere de Nemoux, et a ceste opinion que je fais tout pour cestui-là, et rien pour lui : qui est la cause qu'il ne me croit de rien de tout ce que je lui dis. Quant à mon fils de Nemoux, il a son dessein particulier ; et encore qu'il me croie beaucoup, si n'cntend-il qu'on le postpose à son frere du Maine, ni à autre quel­conque de quelque qualité qu'il puisse estre, en ce qu'il ira de sa grandeur et de l'Estat. Et de ce point, il ne m'en croira jamais, ni ne lui ferai faire ce que je
Digitized by